Sojoji Sun Sake Ceto Daya Daga Cikin ‘Yan Matan Chibok A Borno

Dakarun rundunar soji ta Operation Hadin Kai, sun tabbatar da kubutar da wata ‘yar makarantar Chibok, Ruth Bitrus da ta kubuta daga hannun ‘yan Boko Haram tare da yaronta.

Kwamandan Operation Hadin Kai, Manjo Janar GC Musa ne ya bayyana haka a Barikin Maimalari a lokacin taron mika kayan aikin jinya da hukumar raya arewa maso gabas ta bawa barikin domin tallafa wa sojoji a ranar Laraba.

• Kwarin Tubalin Tattalin Arzikin Sin Yana Karawa Kamfanonin Waje Kwarin Gwiwar Zuba Jari

“Za ku iya tunawa cewa a makonnin da suka gabata mun kubutar da ‘yan matan Chibok biyu da ‘ya’yansu, yanzu haka kuma mun sake kubutar da wata mai suna Ruth Bitrus daga cikin ‘yan Matan a lokacin da muke sintiri a dajin Sambisa.

“Ba za mu yi kasa a gwiwa ba har sai mun Kubutar da Leah Shaibu da sauran ‘yan matan Chibok sannan kuma mu hada su da ‘yan uwansu,” inji Manjo Janar Musa.