Mayaƙan Boko Haram da ISWAP su huɗu sun miƙa wuya ga rundunar haɗin gwuiwa ta `Operation Haɗin Kai’ da mafarauta a ƙaramar hukumar Kaga a jihar Borno. Ƴan ta’addan da aka bayyana sunayensu da Baana Duguri, Momodu Fantami, Abubakar Isani, da Zainami Dauda, sun miƙa kansu ne tsakanin ranakun 3 zuwa 5 ga watan Yunin 2024, a wajen Mainok a ƙaramar hukumar Kaga.
Wani masani kan yaƙi da ƴan tada ƙayar baya Zagazola Makama ya bayyana cewa ƴan ta’addan da suka miƙa wuya sun miƙa bindigogi ƙirar AK-47 guda 2 da harsashi na musamman 7.62mm 99 da AK-47 guda 7, gurneti 2, rediyon Baofeng 4 da jaka 11, biyu na ƙayan ISWAP, da babura 2.
- Sojoji Sun Dakile Yunkurin Garkuwa Da Mutane Da Dama Tare Da Ceto Wasu A Borno Da Kaduna
- An Kashe Masunta 31, 40 Sun Yi Ɓatan Dabo A Wani Harin ‘Yan Ta’adda A Borno
Majiyoyi sun nuna cewa mayaƙan sun fito daga yankin Damboa kuma sun miƙa wuya ne a tattare da su akwai matsananciyar yunwa da ƙuncin rayuwa da suke fuskanta a sansaninsu, hakan ta sanya dole su saduda, inda suka yi baram-baram da ragowar abokan ta’addancin nasu da ci gaba da ayyukan ta’addanci.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
