Xi Ya Yi Kira Ga Ma’aikatan Masana’antu Da Su Ba Da Gudummawar Farfado Da Arewa Maso Gabashin Sin

Shugaban kasar Sin Xi Jinping, ya yi kira ga ‘yan kwadago dake aiki a masana’antu, da su ba da gudummawar cimma nasarar cikakken aikin farfado da yankin arewa maso gabashin kasar Sin.

Shugaban na Sin ya bukaci ‘yan kwadagon da su gabatar da gudummawar basirar su, da karfin su wajen gina kasa mai tasirin sarrafa hajoji, da yayata burin farfado da arewa maso gabashin kasar Sin.

Xi, ya yi kiran ne cikin martanin wasikar da wakilan ‘yan kwadago na wata babbar masana’antar samar da manyan kayayyakin aiki dake birnin Qiqihar na lardin Heilongjiang dake arewa maso gabashin kasar Sin suka aika masa. (Mai fassara: Saminu Alhassan)