Wata tankar man fetur da ta yi hatsari da sanyin safiyar Laraba ta kona gidaje da motoci tare da jikkata wasu mutane biyu a garin Ibafo da ke karamar hukumar Obafemi-Owode a jihar Ogun a ranar Laraba.
Wakilinmu ya tattaro cewa, tankar man fetur ta kama da wuta ne a wani gari da ke kan hanyar Legas zuwa Ibadan.
- Muryar Sin Na Tasiri A Dandalin Duniya
- Fashewar Tankar Mai: NEMA Za Ta Bayar Da Agajin Gaggawa A Jigawa
Shedun gani da ido sun ce, tayar tankar ce ta fashe, wanda hakan ya yi sanadin faduwar motar da ke dakon man fetur.
Tankar ta fashe bayan faduwa inda ta lalata gidaje da ababen hawa da ke kusa da wurin, inji wani ganau.
Akalla motoci biyar da suka hada da manyan motoci sun lalace yayin da wasu mutane biyu suka samu raunuka.
Da yake tabbatar da faruwar lamarin a Abeokuta, Kakakin hukumar kiyaye hadurra ta jihar Ogun, Babatunde Akinbiyi, ya ce, ba a samu asarar rai ba a lamarin.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
