Matatar Mai Ta Fatakwal Ta Fara Aiki Bayan Jinkiri Sau Bakwai

Matatar mai ta Fatakwal ta fara sarrafa danyen mai bayan jinkirin sanar da lokacin fara aiki har sau bakwai.

A baya matatar ta tsara fara aiki a watan Maris, sannan ta dage zuwa Agusta, da Satumban 2024.

• Gwamnatin Kebbi Ta Dakile Yunkurin Lakurawa Na Satar Shanu
• Mutum 1 Ya Rasu, An Ceto 14 Yayin Da ‘Yansanda Suka Dakile Harin ‘Yan Bindiga A Katsina 

Kamfanin Mai na Ƙasa (NNPCL) ne, ya bayyana wannan a matsayin babban ci gaba.

Kamfanin ya ce wannan zai zama mataki na kai wa ga dogaro da kai wajen samar da makamashi da bunkasa tattalin arziki.

An fara gyaran matatar a shekarar 2021 karkashin kamfanin Maire Tecnimont SpA, bayan sanya hannu kan kwangilar dala biliyan 1.5.

A watan Disamban 2023, aikin ya samu jinkiri saboda harkar da ta shafi tsaro da sauran matsaloli.

Fara aikin matatar zai zama babbar nasara ga Nijeriya.