Gwamnatin Jihar Kebbi, tare da taimakon jami’an tsaro, ta dakile wani yunkurin satar shanu da ‘yan ta’addan Lakurawa suka yi a kauyukan Gamuzza da Gwado.
Daraktan Tsaro, AbdurRahman Usman Zagga, ya bayyana cewa saurin daukar mataki ya biyo bayan samun sahihin bayanan sirri game da ayyukan ‘yan ta’addan.
- An Sake Tallafa Wa Al’ummar Gambaru Da Ambaliyar Ruwa Ta Shafa
- Sin Ta Yi Nasarar Harba Sabbin Taurarin Dan Adam Biyu
Bisa umarnin Gwamna Nasir Idris, sojojin sama da na kasa sun tarwatsa maharan.
ADVERTISEMENT
Gwamna Idris, ya jajirce wajen yaki da ‘yan ta’adda da kare rayuka da dukiyoyin al’umma.
Ya karfafa hadin kai a tsakanin shugabannin gargajiya da jami’an tsaro ta hanyar shirya tarukan tsaro don inganta musayar bayanai.
