Wata Gobara ta ƙone aƙalla shaguna 11 tare da lalata kayayyakin da darajarsu ta kai na miliyoyin nairori a kasuwar Alayabiagba da ke unguwar Ajegunle a jihar Legas.
Ana kyautata tsammani cewa, lamarin ya faru ne sakamakon fashewar wata tukunyar iskar gas a daya daga cikin shagunan da suka kone a ranar Talata.
- Tinubu Zai Tafi Faransa Don Ziyarar Aiki Ta Kwana Uku A Gobe Laraba
- Muna Bukatar Karin Kudi Don Inganta Ayyukanmu – Hafsan Sojin Kasa
Sakataren dindindin na Hukumar bayar da agajin gaggawa ta Jihar Legas (LASEMA), Dakta Olufemi Oke-Osanyintolu ya bayyana cewa, gobarar ta lalata wasu kadarori masu tarin yawa a yayin da hukumar ta yi nasarar dakile gobarar zuwa sauran wurare da ke makwabtaka da shagunan.
Ya ce, ba a sami asarar rai ko rauni ba a gobarar.
