Bam Ya Kashe Mutane 4, Ya Jikkata 21 A Yobe

A ƙalla mutane huɗu sun mutu yayin da wasu 21 suka jikkata sakamakon fashewar bama-bamai biyu da ‘yan ta’addar ISWAP suka dasa a ƙaramar hukumar Gujba ta jihar Yobe.

Fashewar ta farko ta faru ne da safiyar ranar Juma’a a hanyar Goniri-Buni Yadi, inda wata motar kasuwanci da ke ɗaukar ƴan kasuwa zuwa kasuwar Buni Yadi ta taka wani bam da aka dasa kusa da ƙauyen Bultaram.

• Sojoji Sun Kashe Babban Kwamandan Boko Haram A Jihar Yobe
• Hisbah Ta Rufe Otal, Ta Kwato Ƙwalaben Giya 209 A Yobe

Mutane uku sun mutu a asibitin kwararru na jihar Yobe da ke Damaturu, yayin da wasu 21 ke ci gaba da jinya.

Ƴan sa’o’i bayan haka, wani ɗan keke da ba a san ko wanene ba ya taka wani bam a yankin, inda ya mutu a asibitin Buni Yadi.

Jami’an tsaro da na agajin gaggawa sun yi aikin share hanya don hana ƙarin ɓarna, yayin da aka ci gaba da binciken yankin.

Abubakar Sulaiman

Website |  + postsBio

• Abubakar Sulaiman

  Mutane 15 Sun Mutu A Wani Mummunan Hatsarin Mota, 17 Sun Jikkata
• Abubakar Sulaiman

  Hukuncin Kisa Ne Ya Dace Da Ƴan Ta’adda Ba Gyaran Hali Ba – Gagdi
• Abubakar Sulaiman

  Kotu Ta Ɗage Shari’ar Kwace Kadarori 57 Na Tsohon Minista Malami
• Abubakar Sulaiman

  Ƴan Bindiga Sun Kashe Manoma 9, Sun Sace Da Dama A Birnin Gwari