Kwamitin tsare-tsaren kudi na Babban Bankin Nijeriya ya kara yawan kudin ruwa na bashi daga kashi 25 zuwa kashi 27.50 a watan Nuwamba, daga kashi 27.25 a watan Satumban 2024.
Gwamnan CBN, Olayemi Cardoso ne ya bayyana hakan a yayin ganawa da manema labarai a ranar Talata bayan taron kwamitin tsare-tsaren harkokin kudi karo na 298 a Abuja.
- Gwamnan Sakkwato Ya Gabatar Da Kasafin Kudin 2025 Na Biliyan 526
- Nijeriya Na Bukatar Karin Basuka – Ministan Kudi
“Kwamitin ya yi ijma’i a cikin yarjejeniyarsa na habaka kimar manufofin kudi da maki 25 zuwa kashi 27.50,” in ji shi.
A cewarsa, matakin da aka yanke na kara darajar manufofin kudin kasar ita ce za ta magance hauhawar farashin kayayyaki, wanda ya kai kashi 33.87 a watan Oktoban 2024.
An ruwaito cewa wannan shi ne karo na shida da Babban Bankin Nijeriya ya kara yawan kudin ruwa na bashi tun daga watan Fabrairun 2024.
Haka zalika, an yanke wasu matakai da aka kara shigowa da su cikin manufofin harkokin kudade.
Idan za a iya tunawa dai a cikin watan Satumba, an kara yawan kudin ruwa na bashi da kashi 50 zuwa kashi 27.25.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
