Manyan Bankunan Kasa Na Sin Da Nijeriya Sun Sabunta Yarjejeniyar Musayar Kudi

LABARAI MASU NASABA

Yankin Rijiyoyin Mai Na Teku Mafi Girma Na Kasar Sin Ya Ba Da Rahoton Yawan Mai Da Iskar Gas Da Ya Fitar A Shekara

An Bukaci Bunkasa Fannin Kiwo A Hadin Gwiwar Sin Da Afirka

Bayan samun amincewar majalisar gudanarwar kasar Sin, babban bankin kasar Sin da babban bankin Nijeriya sun sabunta yarjejeniyarsu a kan musayar kudaden kasashensu da jimillarsu ta kai RMB yuan biliyan 15 ko kuma kudin Nijeriya kimanin Naira tiriliyan 3 da biliyan 280.

Yarjejeniyar wacce aka cimma a kwanan nan, za ta yi aiki na tsawon shekaru uku, kuma akwai damar kara mata wa’adi bisa sahalewar kasashen biyu.

Sabunta yarjejeniyar musayar kudin a tsakanin Sin da Nijeriya zai taimaka wajen karfafa hadin gwiwar sashen kudi, tare da fadada amfani da kudin kasa a cikin gida tsakanin Sin da Nijeriya, kana zai habaka harkokin cinikayya da zuba jari tsakanin sassan biyu. (Mai fassara: Abdulrazaq Yahuza Jere)