Gwamnan jihar Kano, Abba Kabir Yusuf, ya rattaba hannu kan wata doka domin kafa sabuwar rundunar tsaro mai suna “Neighborhood Watch” domin inganta tsaro a fadin jihar.
Gwamnan ya kuma sanya hannu kan wasu dokoki guda biyu da nufin inganta harkokin sufuri da kiwon lafiyar jama’a.
- Daga Munich Zuwa Addis Ababa, Ci Gaban Kasashe Daban Daban Na Tabbata
- EFCC Ta Cika Hannu Da Mutane 15 Kan Zargin Zamba Ta Intanet A Abuja
Sabbin dokokin da aka kafa (wadanda aka yi wa kwaskwarima) sun hada da dokar hukumar sufuri ta jihar Kano ta 2025; Dokar Cibiyar Kula da Cututtuka ta Jihar Kano, 2025; da kuma dokar tsaro ta jihar Kano, 2025.
An bayyana hakan ne a cikin wata sanarwa da babban daraktan yada labarai da yada labarai na gidan gwamnatin Kano, Sanusi Tofa, ya fitar ranar Talata.
A nasa jawabin, gwamnan ya jaddada aniyar gwamnatinsa na samar da romon dimokuradiyya da habaka ci gaban zamantakewa da tattalin arziki a jihar.
Ya kuma nuna jin dadinsa da goyon baya da hadin kai da mazauna Kano ke bai wa gwamnatinsa, ya kuma bukace su da su ci gaba da jajircewa kan manufofin gwamnatin.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
