Rundunar Hisba ta jihar Jigawa ta kwace tare da lalata kwalbar giya 384 a karamar hukumar Kazaure da ke jihar Jigawa.
An bayyana hakan ne a wata takarda da hukumar ta raba wa manema labarai wadda ke da sa hannun jami’in yada labarai na hukumar Muhammad Sale Korau.
- Gajartar Amarya Tasa Ango Ya Fasa Auren Amaryarsa Ana Tsaka Da Gudanar Da Biki
- Salman Rushdie: Wanda Ya Yi Batanci Ga Annabi Na Cikin Mawuyacin Hali Bayan Kai Masa Hari
Ya ce, sun gano giyar ne a lokacin da suke zagaye na musamman, domin gano masu laifi da inda ake aikata laifuka, domin su dauki matakin da ya dace na hana ci gaba da aikata wa.
Korau ya kara da cewa, yanzu haka sun kama mutum daya da ke shigo da wannan giya.
Ya ce, an mika wanda ake zargin ga ‘yansanda wanda kuma za su gurfanar da shi gaban kotu.
Sannan kuma a karshe yay aba wa al’ummar jihar bisa hadin kan da suke samu wajen yaki da masu aikata laifuka.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
