Wata takardar bayani da aka wallafa a yau Lahadi 18 ga watan Mayun shekarar 2024, ta nuna cewa, jimillar kudin da aka samu a masana’antar harkokin sadarwar tauraron dan Adam na kasar Sin ta kai yuan biliyan 575.8, kwatankwacin dalar Amurka biliyan 79.9, a shekarar 2024, adadin da ya karu da kaso 7.39 cikin dari bisa na makamancin lokacin bara.
Takardar game da bunkasar masana’antar harkokin sadarwar tauraron dan Adam ta kasar Sin, ta yi nuni da cewa, a karshen shekarar 2024, yawan adadin manhajojin fasahar sadarwar tauraron dan Adam a kasar Sin ya zarce 129,000, kuma an sanya wa kusan wayoyin salula miliyan 288 a kasar tsarin da suke iya amfani da sadarwar daga tsarin amfani da tauraron dan Adam na BeiDou.
A matsayin tsarin sadarwa ta tauraron dan Adam na duniya da MDD ta amince da shi, tsarin BeiDou na kasar Sin ya shiga tsarin kungiyoyin kasa da kasa guda 11 ciki har da zirga-zirgar jiragen sama, da jiragen ruwa, da sadarwar wayar salula da sauransu, kana yana ci gaba da fadada yawan kasashe da yankuna masu amfani da shi a duniya.
A halin yanzu, kasashen Afirka fiye da 30 ciki har da Najeriya, da Tunisia, da Senegal da sauransu sun riga sun gina tasoshin CORS masu amfani da tsarin BeiDou.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
