Gwamnan Jihar Katsina, Malam Dikko Umaru Radda ya jaddada bukatar neman tallafi daga daga bangaren masu hannu da shuni wajen bunkasa cigaban jihar.
Gwamna Radda ya jaddada hakan ne a wajen bikin kaddamar da wata cibiyar Dakunan tarurruka da filayen wasannin zamani da wani attajiri dan kasuwa, Alhaji Salisu Continental ya samar a babban birnin Jihar.
- Zulum Ya Yaba Wa Sojoji Kan Kashe Babban Kwamandan ISWAP Abu Fatima
- Manufar Bude Kofa Ta Shaida Niyyar Sin Ta Ingiza Dunkulewar Duniya
Ya bayyana cewa, samar da cibiyar ya nuna irin kishi da Salisu Continental yake da shi ga jihar Katsina da al’ummar ta, ya na mai jaddada bukatar gwamnatinsa ga sauran masu hannu da shuni da subi sahun kamfanin Continental wajen tallafawa kokarin gwamnatin jihar na ciyar da jihar gaba.
Cibiyar mai suna ‘Continental Events and Sport Arena’ ta kunshi bangarori daban-daban da suka hada da manyan dakunan taro guda uku da bangarorin wasannin motsa jiki na gyms da na kwallon kwando na raga da dai sauransu.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
