Abba Gida-Gida Ya Jagoranci Rusa Wani Gini Mai Hawa 3 Dauke Da Shaguna 90 A Kano

Gwamnan jihar Kano, Abba Kabir Yusuf da sanyin safiyar Asabar din nan ya fara rusa wasu gine-gine a filayen gwamnati da ake zargin gwamnatin Ganduje da cefanar da su.

Wasu rukunin manyan gine-gine masu hawa 3 dauke da Shaguna 90 da Abba Gida-Gida ya rusa a Kano.

Yayin rusau din, an rusa wani gini mai hawa uku mai dauke da shaguna 90 da ke filin tseren Sukuwar dawaki, da ke Nasarawa da misalin karfe 2:00 na sare ranar Asabar nan.

Gwamnan Abba Gida-gida Ya Rushe Duk Nade-nade, Ya Kwace Duk Kadarorin Gwamnati Da Ganduje Ya Sayar

Gwamnan wanda ya jagoranci aikin rusa ginin ya samu rakiyar kwamishinan ‘yan sanda Jihar, Muhammed Gumel.

Gini mai hawa 3 dauke da Shaguna 90 da Abba Gida-Gida ya fara rusawa a Kano.

Idan dai za a iya tunawa Abba Kabir Yusuf, jim kadan bayan an rantsar da shi matsayin zababben gwamnan jihar Kano ya yi barazanar ruguza gine-gine a jihar kan kadarorin gwamnati da aka cefanar da su ga Jama’a.

Wannan dai shi ne rusau karo na farko da aka yi bayan hawansa mulki a ranar Litinin, 29 ga watan Mayu.

Labarai Masu Nasaba

Nijeriya Ta Lashe Gasar Kofin Nahiyar Afirika Ta Mata

Duk Da Ni Ɗan Adawa Ne Buhari Ya Hana A Murɗe Min Zaɓe — Dickson

Har ila yau, a ranar Juma’a, gwamnan ya umurci masu aikin gine-gine da ke gudanar da gine-gine a sansanin Alhazai na Kano da su dakata da aikin ginin da suke yi.

Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe

Shiga zaurenmu na WhatsApp