Abba Gida-Gida Ya Jagoranci Rusa Wani Gini Mai Hawa 3 Dauke Da Shaguna 90 A Kano

Gwamnan jihar Kano, Abba Kabir Yusuf da sanyin safiyar Asabar din nan ya fara rusa wasu gine-gine a filayen gwamnati da ake zargin gwamnatin Ganduje da cefanar da su.

Yayin rusau din, an rusa wani gini mai hawa uku mai dauke da shaguna 90 da ke filin tseren Sukuwar dawaki, da ke Nasarawa da misalin karfe 2:00 na sare ranar Asabar nan.

• Gwamnan Abba Gida-gida Ya Rushe Duk Nade-nade, Ya Kwace Duk Kadarorin Gwamnati Da Ganduje Ya Sayar

Gwamnan wanda ya jagoranci aikin rusa ginin ya samu rakiyar kwamishinan ‘yan sanda Jihar, Muhammed Gumel.

Idan dai za a iya tunawa Abba Kabir Yusuf, jim kadan bayan an rantsar da shi matsayin zababben gwamnan jihar Kano ya yi barazanar ruguza gine-gine a jihar kan kadarorin gwamnati da aka cefanar da su ga Jama’a.

Wannan dai shi ne rusau karo na farko da aka yi bayan hawansa mulki a ranar Litinin, 29 ga watan Mayu.

Har ila yau, a ranar Juma’a, gwamnan ya umurci masu aikin gine-gine da ke gudanar da gine-gine a sansanin Alhazai na Kano da su dakata da aikin ginin da suke yi.

Muhammad

+ postsBio

• Muhammad

  Yadda Na Tsira Daga Cutar Mashaƙo A Katsina: “Na Fara Da Tsartuwar Jini Tare Da Yawu”
• Muhammad

  An Naɗa Yusuf Nasidi Nasir A Matsayin Talban Barayan Kano
• Muhammad

  Wani Kamfani Ya Tallafa Wa Masu Sana’ar Shayi A Kano
• Muhammad

  Kosan Waka Ya Rasu, Gwamnan Kano Ya Jajanta Wa Iyalansa