AFCON 24: Yusuf Alhassan Ya Maye Gurbin Ndidi A Cikin Tawagar Yan Wasan Nijeriya

An tabbatar da dan wasan kungiyar kwallon kafa ta Royal Antwerp ta kasar Belgium Alhassan Yusuf a matsayin wanda zai maye gurbin Wilfred Ndidi a cikin tawagar Nijeriya a gasar cin kofin Afrika na 2024.

Yusuf wanda tun farko yana cikin yan wasan da aka fitar na wucin gadi ta Super Eagles mai mutum 41, ana sa ran zai iske takwarorinsa a sansaninsu na Abu Dhabi, UAE a ranar Laraba.

• Sin Ta Kaddamar Da Kidaya Ta Kasa A Fannin Tattalin Arziki
• Matatar Dangote Ta Karbi Danyen Mai Karo Na 4 Daga NNPC 

Wannan dai shi ne karon farko da dan wasan ya samu kira domin wakiltar Nijeriya.

Ndidi ya samu rauni kafin wasan da Leicester City ta doke Huddersfield Town da ci 4-1 a ranar Litinin.