Wani dan majalisar tarayya, Aminu Jaji, ya bayar da tallafin Naira miliyan 10 da buhunan shinkafa 200 ga wadanda ibtila’in ambaliyar ruwa ya rutsa da su a ranar Juma’ar da ta gabata a karamar hukumar Gummi ta jihar Zamfara.
Jaji mai wakiltar mazabar Kaura Namoda/Birnin Magaji na jihar ya bayar da tallafin ne a ranar Laraba.
- Gundogan Ya Amince Ya Sake Komawa Manchester City
- Gwamna Dauda Ya Ƙaddamar Da Rabon Tirelolin Taki 135 A Zamfara
Ya samu wakilcin sakataren jam’iyyar APC na jihar bangaren jajiyya, Mansur Khalifa-Kaura.
Jaji, wanda shi ne Shugaban Kwamitin Kula da Muhalli na Majalisar, ya bayyana lamarin a matsayin abin damuwa.
Da yake godiya kan kyautar, Sarkin Gummi, Alhaji Lawal Hassan ya yabawa dan majalisar bisa wannan karamcin.
Ya kuma yi kira ga sauran masu hannu da shuni da masu rike da mukaman siyasa a jihar da su yi koyi da Jaji ta hanyar mika irin wannan taimako ga wadanda ambaliyar ruwan ta shafa. (NAN)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
