Ambaliya: Yari Ya Bayar Da Tallafin Tiirela 15 Na Hatsi Da Wasu Kayayyaki A Zamfara

Sanata mai wakiltar Zamfara ta yamma a karkashin inuwar jam’iyyar APC, Abdulaziz Yari a ranar Laraba, ya bayar da tallafin tirela 15 na hatsi iri-iri ga wadanda ambaliyar ruwa ta shafa a karamar hukumar Gummi.

Yari ya bayyana hakan ne a lokacin da ya kai ziyarar jaje ga Mai Martaba Sarkin Gummi, Mai Shari’a, Lawal Hassan (mai ritaya).

• Ɗan Sarkin Gobir Da Aka Kashe Ya Kuɓuta Daga Hannun ‘Yan Bindiga
• Za A Gudanar Da Bikin CIFTIS Na Shekarar 2024 A Birnin Beijing

Tsohon gwamnan Zamfara ya kuma bayar da tallafin katifu 5,000 da barguna 10,000 ga wadanda abin ya shafa.

In ba a manta ba, Kamfanin dillancin labarai na Nijeriya (NAN) ya rahoto cewa, mamakon ruwan sama kamar da bakin kwarya da ya kwashe kusan sa’o’i 14 a ranar Juma’a yana sauka, ya lalata gidaje kimanin 2,795 a garuruwan Gayari, Falale da Gummi, da dai sauransu.

NAN ta kuma rahoto cewa, an rasa rayuka 16 da gonaki da ba a tantance adadinsu ba, duk sun nutse cikin ruwan.

Sulaiman

+ postsBio

• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu
• Sulaiman

  Sin Ta Tsara Bunkasa Darajar Cinikayyar Kayayyaki Zuwa Yuan Tiriliyan 60 Yayin Shirin Raya Kasa Na Shekarar 2026 Zuwa 2030
• Sulaiman

  Kotu Ta Tsare Shugaban Makaranta Da Malami Kan Zargin Lalata Da Ɗaliba Mai Shekara 6 A Gombe