Amfanin Almiski (3)

Assalamu alaikum masu karatu, barkan mu da sake haduwa da ku a wannan makon a cikin shirin namu mai farin jini da albarka na Ado Da Kwalliya.

A yau shafin namu zai ci gaba da kawo muku bayani akan turaren almiski da Sabulunsa.

• Masu Zanga-zanga Sun Fito Duk Da Dokar Hana Fita A Jigawa
• Hanyoyi 18 Na Rage Radadin Matsin Tattalin Da Ake Ciki

Yana da kyau mace ta hada wadannan gabadayansu na Almiski wato turarensa da man shafawa, da kuma sabulunsa zaki fita daban a cikin mata.

Idan za ki nemi Almiski sai ki nemi Musk dahara) ki nemi wanda aka kawo daga Macca ko Pakistan ko India domin sun fi kyau.

Akwai sunaye daban daban da ake yiwa musk dahara kamar musk Aljism. Haka kuma akwai musk Aishat wanda aka ruwaito Nana Aishat ta yi amfani da shi kuma ta kwadaitar da amfani da shi.

Musk dahara ko musk Aishat Shi ya fi dacewa mata su yi amfani da shi don karin tagomashin zamantakewa da kuma tsaftace jiki.

Idan kika tafasa lalle kika dan diga miski sai ki yi zauna a ciki wato (sith bath) a turance da shi hakan zai magance warin gaban mace, kaikayin gaban mace, yana kashe kwayoyin cuta a gaban mace.

yana rage yawan majinar gaba a sanadin wata cuta.

Yana tsabtace mahaifa musamman idan aka dage ana amfani da shi.

Idan kuma mace ta haihu to za ta iya neman ganyen magarya sai ta tafasa ta diga miski ta ringa amfani da shi.