Tun fiye da shekara guda da ta gabata, Philippines ke ta faman keta hadin jiragen ruwa masu tsaron iyakokin ruwa na tekun kudancin kasar Sin, tare da neman tayar da zaune tsaye iri-iri kamar tsallaka iyakokin ruwa na Sin, da yayata yekuwar jama’a tare da kara wa miya gishiri.
A gaskiyar magana, ba kowa ba ce ummul-haba’isin wadannan abubuwan ba illa Amurka wacce take neman danne abokan gasa ta hanyar cin bulus.
- Sojoji Sun Kama Mutane 20 Kan Zargin Kashe-kashe A Jihar Filato
- Sojoji Sun Kama Mutane 20 Kan Zargin Kashe-kashe A Jihar Filato
Masharhanta sun yi amannar cewa Amurka da Philippines sun hada karfi da karfe domin daukar wasu matakai na cin zarafi da danne hakkokin kasar Sin a tekun kudancinta domin kawai tabbatar da wanzuwar dakarun sojin ruwan Amurka a yankin tekun kudancin Sin. Har ila yau, hakan na da nasaba da kokarin takura wa kasar Sin ta hanyar tsuke mata iyakokinta na ruwa da kuma yin katsalandan a sabanin da ake da shi kan iyakokin ruwa tsakanin Sin da makwabtanta.
Wannan ya sa manazarta ke ganin, ba komai ba ne wadannan matakan da ke cike da yakin cacar baka ba illa kokarin kare kashin dankalin da Amurka ke yi a duniya wanda zai yi matukar lalata gaba dayan muradun kasashen yankuna musamman na dogon zango. (Mai fassara: Abdulrazaq Yahuza Jere)
