A ranar Alhamis ne aka bude wata gada da kamfanin gine-gine na kasar Sin ya gina a hukumance, wanda za ta rage cunkoso a titunan Abidjan, yayin da dubban dubatar masoya kwallon kafa daga sassan duniya ke zuwa kasar domin halartar gasar cin kofin nahiyar Afirka karo na 34.
A ranar Laraba ne firaministan kasar Cote d’Ivoire Robert Beugre Mambe ya duba ingancin gadar, inda ya taya murnar kammala aikin tare da gaisawa da ma’aikatan daga kasar Sin da kuma kasar ta yammacin Afirka. Ya bayyana aikin gadar a matsayin wani muhimmin shiri na samar da ababen more rayuwa, wanda ya zama muhimmin hanyar sufuri don kyautata zirga-zirga a babban birnin kasar Abidjan.
Gadar da ke yammacin birnin Abidjan mai tsawon kimanin kilomita 7, an bude ta kwanaki biyu gabanin gasar cin kofin nahiyar Afirka karo na 34, wanda zai gudana har zuwa ranar 11 ga watan Fabrairu. (Muhammed Yahaya)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp