An Daure Maman Boko Haram A Gidan Yari Kan Zambar Naira Miliyan 71.4

Wata babbar kotun jihar Borno ta yanke wa Aisha Wakil, wacce aka fi sani da “Mama Boko Haram” hukuncin daurin shekaru biyar a gidan yari bisa samun ta da laifin zamba.

Hukumar yaki da masu yi wa tattalin arzikin kasa zagon kasa (EFCC) shiyyar Maiduguri ta gurfanar da Aisha tare da Tahiru Daura da kuma Prince Shoyode a watan Satumban 2020, bisa tuhumarsu da laifuka biyu da suka hada da yaudara wajen karbar, kudin sun kai Naira Miliyan N71,400,000.

• 2023: Ikon Zabar Mataimaki Na Hannun Tinubu Ba Gwamnonin APC Ba —Uzodinma

Wadanda ake tuhumar dai sun ki amsa laifin da ake tuhumar su da su.

Wakili da wadanda ake tuhumar, ana tuhumarsu ne da laifin zamba, wacce suka nemi Saleh Ahmad Said mai Kamfanin Shuad General Enterprises ya kawo musu buhun wanke guda 3,000 da kudin su ya kai kimanin Naira Miliyan N7,400,000.00 a shekarar 2018.

A hukuncin da kotun ta yanke a ranar Talata, Mai shari’a Aisha Kumaliya ta ce masu gabatar da kara sun tabbatar da tuhumar da ake yi wa wanda ake kara ba tare da wata shakka ba.

Bayan yanke hukuncin, Mai shari’a ta yanke hukuncin daurin shekaru biyar a gidan yari ba tare da zabin fansa ko biyan kudin tara ba.

Sulaiman

+ postsBio

• Sulaiman

  Sin Na Fatan Amurka Za Ta Dakatar Da Furta Karairayi Da Nufin Bata Mata Suna
• Sulaiman

  Sin Ba Ta Taba Janyewa Wata Kasa Tsani Ba
• Sulaiman

  Xi Ya Aike Da Gaisuwa Albarkacin Ranar Malamai Yana Mai Kira Da A Samar Da Matasa Masu Hazaka Domin Kara Farfado Da Kasa
• Sulaiman

  Renon Matasa A Kan Kyakkyawar Turba Ginshiki Ne Na Gina KasaBy