An fitar da rahoto na shekarar 2023 na yadda kamfanonin Sin dake aiki a Afrika ke sauke nauyin al’umma da ya rataya a wuyansu, a jiya Alhamis a birnin Nairobin Kenya.
Rahoton wanda ya bayyana gudunmuwar da kamfanonin suka bayar a bangaren raya tattalin arziki da zamantakewa da kare muhalli, ya ce tun daga farkon wannan karni, kamfanonin kasar Sin sun gudanar da ayyukan da suka hada da gina sama da kilomita 6,000 na layukan dogo a Afrika. Haka kuma, kamfanonin sun taimaka wajen gina tashoshin jiragen ruwa kusan 20 da manyan tashoshin samar da lantarki 80 da kilomita 6,000 na manyan tituna.
- Kasar Sin Na Adawa Da Duk Wani Abu Da Zai Yi Illa Ga Fararen Hula Da Keta Dokokin Kasa Da Kasa
- Xi Ya Amsa Wasikar Da Matias TarnopolskyTarnopolsky Ya Rubuta Masa
A cewar rahoton, a matsayinta na babbar abokiyar huldar cinikayya da zuba jari ta nahiyar Afrika, Sin ta tura jami’an lafiya kimanin 9,000 zuwa nahiyar, haka kuma ta gabatar da damarmakin horo sama da 100,000, lamarin da ya samar da guraben ayyukan yi sama da miliyan 4.5 karkashin ayyuka daban-daban, da suka hada da shirye-shiryen da suka shafi asibitoci da makarantu da filayen wasanni da kuma aikin gona.
Har ila yau, rahoton ya ce galibin harkokin kasuwanci na Sinawa a Afrika, na mayar da hankali ne kan taimakawa nahiyar kara karfinta na ciyar da kanta gaba da rage talauci da raya nahiyar. (Fa’iza Mustapha)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
