Fadar Potala wuri ne na raya al’adu na duniya, kana ya kasance wurin gine-ginen fada, dake matsayin mafi tsayi a doron kasa, wanda aka kiyaye shi cikin tsawon lokaci, wurin ya shaida tarihin sarrafa harkokin iyakar kasa na sarakunan kasar Sin, da kuma tarihin sada zumunta da yin mu’amala da juna a tsakanin kabilu daban daban na kasar Sin.
A kwanakin baya, an gabatar da shirin fadar Potala, wanda babban gidan rediyo da telebijin na kasar Sin wato CMG, da gidan rediyo da telebijin na yankin Xizang suka yi hadin gwiwar tsarawa.
Kaso 7 na shirin, sun yi bayani kan tarihin fadar Potala mai shekaru fiye da dubu daya, da kuma tarihin addinin Buddha na Xizang mai salon musamman na kasar Sin. Kana shirin ya shaida cewa, jam’iyyar kwaminis ta Sin tana girmama bin addini cikin ‘yanci a yankin Xizang, da aiwatar da manufofin tabbatar da al’adun kabilun yankin, ta yadda jama’ar yankin za su samu hakkin ci gaba, da kuma raya yankin Xizang bisa tsarin gurguzu a sabon zamani. (Zainab Zhang)
