An Gano Wani Tsoho Da Aka Kulle A Gida Har Tsawon Shekaru 20 A Jihar Kaduna

Wasu Jami’an duba Gari na kiwon lafiya a karamar hukumar Kaduna ta Arewa sun gano wani tsoho da ake zargin an kulle shi a cikin gida har tsawon kimanin shekaru 20.

Gidan ya kasance a kan Titin Bayajida daura da Titin Ibrahim Taiyo da ke Kaduna.

• Sojojin Nijeriya Sun Kashe Shugaban ‘Yan Bindiga, Ali Dogo A Kaduna 

Wani ganau ya bayyana cewa, Jami’an sun gano tsohon ne a ranar Laraba, yayin da suka je duba wasu kayan lemun Kwalba da aka ajiye a gidan, inda suka riski tsohon a cikin wani Daki a garkame.

A cewar ganau din, Jami’an sun iske tsohon tsirara a nan kuma dakin yake yin kashi da fitsari, tsohon ya kuma koma tamkar wata dabba.

Ya ce, Jami’an ne suka bude dakin suka fito da shi, inda ‘yasanda na Gundumar Magajin Gari suka zo suka dauke shi.