Rundunar ‘yansanda Nijeriya ta gurfanar da Aminu Mohammed, wanda uwar gidan shugaban kasa Aisha Buhari ke zargin ya yi mata kalaman batanci a kafar sada zumunta.
Idan ba a manta ba, an ruwaito cewar jami’an tsaro ne suka dauki Adamu, dalibin Jami’ar Tarayya da ke Dutse, a Jihar Jigawa kan wasu kalaman batanci kan Aisha Buhari.
An bayyana cewar an gurfanar da Aminu ne a ranar Talata a gaban babbar kotun tarayya mai lamba 14 a Abuja.
A cewar kawunsa, Shehu Baba-Azare, rundunar ‘yan sandan ba ta sanar da ‘yan uwansa game da gurfanar da shi a gaban kotu ba.
Baba-Azare ya ce “A asirce aka gurfanar da shi a kotu, ba su sanar da mu ba, mun damu matuka da halin da yake ciki. Zai yi jarrabawar karshe a ranar 5 ga Disamba,” in ji Baba-Azare.
Tuni dai dubban mutane suka shiga tofa albarkacin bakinsu kan wannan lamari a kafafen sada zumunta.
Mutane da dama sun soki uwar gidan shugaban kasa, kan zargin yadda aka tauye wa dalibin hakkinsa.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp