An Rantsar Da Bathiya Wesley A Matsayin Kakakin Majalisar Dokokin Adamawa

Dan majalisar dokokin jihar Adamawa, mai wakiltar karamar hukumar Hong, Honarabul Batiya Wesley, ya zama sabon kakakin majalisar dokokin jihar.

Mambobin majalisar sun zabi Honarabul Batiya ne ranar Talata a zauren majalisar ta takwas, ba tare da hamayya ba.

• Bilyaminu Ismail Ya Zama Shugaban Majalisar Dokokin Zamfara Karo Na 7
• Lawan Ya Zama Shugaban Majalisar Dokokin Borno Karo Na 4 A Jere

Haka kuma mambobin majalisar sun zabi mamba mai wakiltar Jada-Mbulo, Honarabul Buba Muhammad Jijiwa, a matsayin mataimakin kakakin majalisar ba tare da kai ruwa rana ba.

Dama dai kakakin majalisar dokokin da mataimakinsa, ba su tsaya takara ba.