A yau Talata 10 ga watan Nuwamba aka kawo karshen bikin baje kolin kayayyakin da ake shigowa da su kasar Sin karo na 9 (CIIE) a birnin Shanghai na Sin. Bikin na kwanaki 6, ya cimma kyawawan sakamako.
Manyan alkaluma 5 na bikin CIIE na bana sun kai sabon matsayi na tarihi, inda adadin kamfanoni mahalarta ya kai 4142; kuma a karon farko, girman baki dayan wurin baje kolin ya kai murabba’in mita 444000, girman inda kamfanoni suka baje hajoji ya kai murabba’in mita 370000; haka kuma, sama da kamfanoni 300 daga cikin manyan kamfanoni mafiya shahara na duniya ne suka halarci bikin.
Bugu da kari, adadin kayayyakin da aka gabatarwa a karon farko a matakin kasa da kasa, da wanda aka gabatar a matakin nahiyar Asiya da ma matakin kasar Sin ya kai 485. Ana kuma hasashen yawan harkokin cinikayya da aka yi niyyar aiwatarwa cikin shekara guda, wadanda aka daddale su yayin bikin, ya kai dala biliyan 85.45, karuwar kaso 2.3 idan aka kwatanta da bikin CIIE na bara. (Fa’iza Mustapha)
