An tsinci gawar wata ‘yar kasuwa mai suna Adeshina Olayinka a wani otel da ke cikin jihar Oyo.
A cewar rahotanni, ‘yar kasuwar wadda aka fi sani da Khadi, ta kasance ta na yin kasuwancin ta ne ta kafar internet kuma mai jan ra’ayin masu bibiyarta a kafar sada zumunta ta zamani.
Mariganyiyar Adeshina dai an samu gawarta ne a Otel din bayan da ake zargin ta shiga otel dn da wani mutum wanda har yanzu, ba a gane kowanene ba.
Adeshina ta kasance tana da wani shagon sayar da kaya, inda take sayar da kayan mata.
Sai dai, har yanzu ba a san musabbabin mutuwarta ba, wadda aka ruwaito cewa, wata ma’aikaciya a Otel din ce ta sanar da ganin gawar mariganyiyar a dakin da ta kama.
An ruwaito cewa, rundunar ‘yansandan jihar ta fara gudanar da bincike kan lamarin.
