Rundunar NSCDC Ta Kama Wani Da Ake Zargi Da Hada-hadar Miyagun Kwayoyi A Kano

Rundunar jami’an tsaro ta farin kaya (NSCDC) a jihar Kano ta cafke Basiru Ahmed dan shekaru 42 da haihuwa bisa zargin laifin hada-hadar miyagun kwayoyi da ake kyautata zaton tabar wiwi ce har kulli 106 a jihar. 

Kakakin Rundunar, SC Ibrahim Abdullahi, a wata sanarwa da ya fitar ranar Laraba, ya ce an kama wanda ake zargin ne a Salanta da ke karamar Hukumar Gwale ta Jihar bayan samun bayanan sirri.

• Bello Turji Bai Yi Sulhu Da Kowa Ba – Guyawa Isa
• Matar Marigayi MKO Abiola, Ta Rasu Tana Da Shekaru 82

Abdullahi ya bayyana cewa, an kama wanda ake zargin ne a lokacin da yake sayarwa da rarraba haramtattun abubuwa a cikin al’umma.

Ya kuma bayyana cewa, tuni aka mika wanda ake zargin ga hukumar yaki da sha da fataucin miyagun kwayoyi ta kasa (NDLEA) domin gudanar da bincike tare da daukar matakin da ya dace.

Sulaiman

+ postsBio

• Sulaiman

  Cibiyar CBA Ta Kenya Za Ta Yi Hadin Gwiwa Da Wata Cibiyar Sin Wajen Bunkasa Noma Da Cinikayyar Lemar Kwadi
• Sulaiman

  An Sanar Da Wadanda Suka Lashe Golden Goblet Na Bikin Fina-Finen Kasa Da Kasa Na Shanghai Karo Na 28
• Sulaiman

  Nasiha Ga Uwargida Kan Zafin Kishi (1)
• Sulaiman

  Kasar Sin Ta Karbi Bakuncin Taron Daidaita Batun Kare Hakkin Dan Adam