Rahotannin sun ruwaito cewa, da misalin karfe 7 da minti 58 na safiyar yau Laraba 3 ga wata ne, aka samu iftila’in girgizar kasa mai karfin maki 7.3 da zurfin kilomita 12 a yankin teku dake gundumar Hualien ta lardin Taiwan na kasar Sin. Lamarin da ya haifar da girgiza mai karfi a wurare da dama na Taiwan, tare da hallaka mutane 4 da jikkatar wasu 97 a wurin.
Mai magana da yawun ofishin kula da harkokin Taiwan na majalisar gudanarwa ta kasar Sin, Zhu Fenglian ta bayyana cewa, babban yankin kasar na maida hankali matuka kan bala’in, da mika gaisuwa da fatan alheri ga ‘yan uwa dake Taiwan, kuma zai ci gaba da maida hankali kan bala’in gami da abubuwan da ka iya faruwa a nan gaba, da son samar da agaji don yaki da bala’in. (Murtala Zhang)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
