A ranar Asabar din nan ne, Maryam Shettima, wadda aka fi sani da Maryam Shetty, ta yi aure inda ta wallafa hotunan auren nata a shafukanta na sada zumunta.
Auren wanda ya zo da ba a zata, an daura shi ne ba tare da taron jama’a masu yawa ba.
- Hajjin Bana: Ofishin Jakadancin Saudiyya Ya Yi Bankwana Da Alhazan Nijeriya
- Hajjin Bana: Ofishin Jakadancin Saudiyya Ya Yi Bankwana Da Alhazan Nijeriya
Jaridar LEADERSHIP ta tuno da irin yadda Maryam Shetty ta rasa damar kasancewa mamba a majalisar ministocin shugaban kasa Bola Tinubu, wanda yanzu suke cika watanni goma kan kujerunsu.
A watan Agustan 2023, Tinubu ta zabi Shetty a matsayin wanda za a bawa minista daga Jihar Kano, sai da kuma daga baya Marayam Shetty ta rasa damar, bayan da aka canja sunanta da Dokta Mariya Bunkure.
Tun daga lokacin aka daina jin ɗuriyar Maryam Shetty, kwatsam! Sai labarin aurenta da ya karade kafafen sadarwa a wannan rana ta 8 ga watan Yuni, 2024.
Kafin dambarwar batun Minista Marya ta kasance shahararriya a kafafen sadarwa na zamani.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
