Buhari Zai Kaddamar Da Sabbin Takardun Kudi A Taron Majalisar Zartwar Ta Kasa Ranar Laraba

Babban bankin Nijeriya (CBN) ya bayyana cewa shugaban kasa Muhammadu Buhari ne zai kaddamar da sabbin takardun kudi a ranar Laraba 23 ga watan Nuwamba, 2022.

CBN ya sanar a ranar 26 ga Oktoba, 2022 cewa, zai sake fitar da sabon fasalin takardun kudi na N200, N500, da N1,000, daga ranar 15 ga Disamba, 2022, yayin da sabbin kudaden da ake da su kuma za a daina aiki dasu a 31 ga Janairu, 2023.

• Majalisa Ta Goyi Bayan CBN Kan Sauya Fasalin Naira Bayan Tafka Muhawara 

A wani sabon rahoto a ranar Talata, gwamnan babban bankin kasa, Godwin Emefiele, ya shaidawa manema labarai cewa yanzu za a fitar da sabbin takardun kudin ne domin amfanin jama’a a ranar Laraba.

Ya bayyana hakan ne a Abuja a wajen taron kwamitin kula da harkokin kudi (MPC).

Emefiele ya kara jaddada cewa, Babban bankin ba zai sauya kudirin sa ba na daina amfani da wasu takardun kudin kasar a lokacin da ya iyakance.

Sulaiman

+ postsBio

• Sulaiman

  Sin Na Fatan Amurka Za Ta Dakatar Da Furta Karairayi Da Nufin Bata Mata Suna
• Sulaiman

  Sin Ba Ta Taba Janyewa Wata Kasa Tsani Ba
• Sulaiman

  Xi Ya Aike Da Gaisuwa Albarkacin Ranar Malamai Yana Mai Kira Da A Samar Da Matasa Masu Hazaka Domin Kara Farfado Da Kasa
• Sulaiman

  Renon Matasa A Kan Kyakkyawar Turba Ginshiki Ne Na Gina Kasa