Jami’ar Bayero ta Kano (BUK) ta kori dalibanta 27, ta kuma dakatar da wasu takwas da ta samu da aikata magudin jarabawa.
Jami’ar ta bayyana hakan ne ranar Lahadi cikin wata sanarwa dauke da sa hannun Daraktar Sashin Jarabawa da Dauka da Adana Bayanan Dalibai (DEAR), Amina Umar Abdullahi.
- ‘Yansanda Sun Cafke Wasu Mutum 3 Kan Zargin Mallakar Kudaden Jabu A Jihar Kebbi
- Dan Takarar Majalisar Tarayya Na Mazabar Wudil Da Garko A Jam’iyyar NNPP Ya Rasu A Kano
Daraktar ta ce hakan ya biyo bayan zaman da majalisar malaman jami’ar ta gudanar ranar 26 ga watan Janairun shekarar 2023.
Haka kuma a cewarta matakin ya yi daidai da sashi na 20.17 (Ai, iii, iv, v, vi, vii, x da na xii) na dokar jami’ar.
Har wa yau, hukumar gudanarwar Jami’ar ta gargadi dalibai 22 kan aikata laifuka daban-daban.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp