CBN: Dokar Takaita Cire Tsabar Kudi A Asusun Bankuna Ta Fara Aiki

Dokar takaita cire tsabar kudi ta na’urar ATM da Babban bankin CBN ya gindaya, ta fara aiki a fadin Nijeriya a yau Litinin. 

Bayan korafe-korafe da kiraye-kiraye da mutane da kungiyoyi suka gudanar, CBN ya ce a yanzu daidaikun mutane za su iya cire tsabar kudi har naira 500,000 yayin da kamfanoni kuma za su iya cire naira miliyan biyar duk mako.

• CBN Ya Ba Bankuna Umarnin Hana Bayar Da Sabbin Kuɗaɗe A Cikin Banki Sai Ta ATM

Idan mutum na son cire kudin da ya fi wannan adadin da aka fitar, to za a caji kashi biyar cikin 100 ga daidaikun mutane, kashi 10 cikin 100 ga kamfanoni na yawan kudin da za a cire.

Babban bankin kuma ya umarci bankuna da su daina sanya tsoffin takardun kudi da aka sauya wa fasali a nau’rorin ATM.