Chiellini Ya Yi Ritaya Daga Kwallon Kafa

Tsohon dan wasan bayan Italiya da Juventus, Giorgio Chiellini ya yi ritaya daga murza tamola.

Dan wasan mai shekaru 39 a duniya ya sanar da ajiye takalamansa ne cikin wani sakon bidiyo da ya saki a kafafen sada zumunta.

• NLC Ta Yi Barazanar Sake Shiga Yajin Aiki
• Jami’in MDD: Kasar Sin Ta Ba Da Babbar Gudummawa Ga Wadatar Abinci A Duniya

Chiellini ya kare wasansa ne a gasar MLS ta kasar Amurka, inda kungiyarsa ta Los Angeles FC ta yi rashin nasara a wasan karshe na kofin MLS Cup a hannun kungiyar Columbus Crew.

Chiellini ya fara yi wa Juventus wasa a 2005, wanda daga nan ya zamo jigon dan wasa a kungiyar.

Dan wasan ya lashe gasar Serie A tara a jere da Juventus, amma bai taba lashe gasar zakarun turai ba amma dai ya je wasan karshe har sau biyu.