Gwamnan jihar Kano, Abba Kabir Yusuf ya rattaba hannu kan dokar soke masarautu ta 2024 da za ta rusa masarautu biyar da tsohon Gwamna Abdullahi Umar Ganduje ya kafa a shekarar 2019, inda a hukumance ta maido da tsohon Sarkin Kano, Sanusi Lamido Sanusi II kan kujerar Sarauta.
Da yake jawabi ga manema labarai jim kadan bayan sanya hannu kan dokar, Gwamnan Jihar Kano ya bayyana cewa, sarakunan biyar da aka tsige suna da sa’o’i 48 (kwanaki biyu) da su bar fadar tare da mika dukkan kayayyakin masarautar da ke hannunsu ga ofishin mataimakin gwamnan jihar.
Gwamna Yusuf ya kuma yi kira da a zauna lafiya a yayin mika mulkin.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
