Hukumar Kididdiga ta Kasa (NBS), ta sanar da cewa an yi mata kutse shafinta na yanar gizo.
A cikin wani saƙo da ta wallafa a shafinta na X a daren Laraba, hukumar ta ce tana aiki don dawo da shafin.
- Hadin Gwiwar Sin Da Afirka Na Samar Da Tabbaci Ga Duniya
- Tinubu Ya Isa Legas Don Gudanar Da Bukukuwan Kirsimeti Da Sabuwar Shekara
Ta kuma yi kira ga ‘yan Nijeriya da su yi watsi da duk wani saƙo ko rahoto da aka gani a shafin har sai an gyara shi.
A halin yanzu, saƙon gargadi ne a shafin “An Yi Kutse A Shafinmu”, kuma ba za a iya ci gaba da ziyartar shafin ba.
Hukumar Kididdiga ta Kasa, ita ce ke da alhakin samar da kididdiga a hukumance a Nijeriya.
