Wani jirgin sama mai saukar ungulu da ba a san ko na wane ne ba ya afka wanj gini a unguwar Oba Akran a yankin Ikeja a Jihar Legas, inda nan take ya kone kurmus.
Lamarin ya faru ne a kusa da gidan man AP Filling Station da United Bank For Africa da ke kan titin Oba Akran a Ikeja, babban birnin jihar Legas.
- Bana Iya Barci Saboda Halin Da ‘Yan Nijeriya Ke Ciki -Tinubu
- Cire Tallafin Mai: Zulum Zai Bai Wa Mutum Miliyan 1.8 Tallafin Abinci A Borno
A cewar wani ganau, lamarin ya faru ne da misalin karfe 3:30 na rana.
Ya zuwa lokacin da hada wannan rahoto, babu tabbas ko matukan jirgin sun tsira daga hatsarin.
Bugu da kari, babu wani karin haske kan sauran wadanda suka jikkata, yayin da masu ba da agajin gaggawa ke ci gaba da gudanar da ayyukan ceto.
Ana dakon hukumar kashe gobara ta Legas domin ci gaba da gudanar da ayyukan gaggawa domin ceto wadanda hatsarin ya rutsa da su.
Bayani na tafe…
