Dan wasa Cristiano Ronaldo zai bar Manchester United bayan dan wasan tare da kungiyar suka amince da kawo karshen kwangilar da ke tsakaninsu.
Manchester United ta ce “Cristiano Ronaldo zai bar Manchester United bayan cimma yarjejeniyar kawo karshen kwangilar da ke tsakaninmu da shi.
“Manchester United ta gode wa Ronaldo sakamakon gudunmawar da ya bamu a tsawon zaman da ya yi damu har sau biyu, inda ya zura kwallaye 145 cikin wasanni 346 kuma muna masa fatan Alheri tare da iyalansa.”
Kungiyar ta kara da cewa “Kowa da kowa a wannan kungiyar ya dukufa wajen ci gaban kungiyar karkashin mai koyarwar Erik ten Hag domin samun Nasara.
Ronaldo ya ce “Bayan tattaunawa da Manchester United mun amince mu dakatar da kwangilar da ke tsakaninmu tun yanzu.”
Ya kara da cewa “Ina son Manchester United, ina son magoya bayan kungiyar, kuma hakan ba zai taba canjawa ba kawai dai ina ganin wannan ne lokacin da ya kamata kowa ya kama gabansa domin fuskantar kalubale na gaba.
“Ina yi wa kungiyar fatan nasara daga nan zuwa karshen kakar wasa da kuma nan gaba,” a cewar Ronaldo.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
