Dan wasan bayan tawagar ‘yan wasan Kasar Sifaniya, Sergio Ramos ya yi ritaya daga buga wa kasarsa kwallo.
Ramos mai shekara 36, ya yi ritaya ne biyo bayan daina kiransa da tsohon kocin Sifaniya, Luis Enrique ya yi.
- Kotu Ta Sake Aike Murja Da Wasu ‘Yan TikTok 3 Zuwa Gidan Yari
- Ba Ni Ne Dan Takarar Sanatan NNPP A Kano Ba —Shekarau
Dan wasan wanda shi ne tsohon kyaftin Real Madrid, ya koma PSG shekarar da ta wuce bayan shafe shekara 14 a Real Madrid.
Bayan sauya shekarsa, Ramos ya sha fama da rauni, lamarin da ya sanya ya shafe kusan kakar wasanni bara yana jinya.
Dan wasan a bana ya murmure inda ya doka wa PSG wasanni 32 sannan ya zura kwallo biyu a raga.
