Darakta Janar ta kungiyar kula da harkokin cinikayya ta duniya WTO, Ngozi Okonjo-Iweala, ta ce taron dandalin tattalin arzikin duniya ya tunatar da kasa da kasa cewa, ya kamata a yi hadin gwiwar da ba a taba yin irinsa ba, domin tabbatar da warware matsalolin dake tarnaki ga ci gaban duniya.
Ngozi Okonjo Iweala ta bayyana haka ne yayin da take zantawa da wakilin CMG, bayan taron shekara shekara na dandalin tattalin arzikin duniya da aka yi a Davos.
Darakta Janar din ta kara da cewa, duniya bata gama farfadowa daga mummunan tasirin annobar COVID-19 ba, amma yanayin na ingantuwa. Tana mai cewa, sake bude kofofin kasar Sin wani kyakkyawan batu ne ga duniya.
A cewarta, “da farkon fari, kasar Sin za ta samar da bukatun kayayyaki a cikin gida, kuma bangaren samar da kayayyaki zai koma yadda yake, don haka, wannan wani abu ne mai kyau ga duniya. Kasar Sin ita ce kashin bayan ci gaban duniya, kuma sake bude kasar, abu ne mai kyau.”
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
