Diri Ya Amince Da Sabon Mafi Karancin Albashi Na ₦80,000 Ga Ma’aikatan Bayelsa

Gwamnan jihar Bayelsa, Sanata Douye Diri, ya amince da Naira 80,000 a matsayin sabon mafi karancin albashi ga ma’aikatan jihar.

Gwamna Diri, wanda ya kuma amince da karin albashin ma’aikatan da suka yi ritaya a duk wata, ya kuma ware Naira biliyan 7 ga ‘yan fansho a jihar.

• Gwamna Sani Ya Samu Karramawa Daga Igbo, Ya Bayar Da Fili Don Gina Kasuwar Kayayyakin Gyara
• Kudi Na Zo Nema A Kannywood Ba Suna Ba -Haruna Talle Fata

Gwamna Diri, ya kara da cewa, sabon tsarin albashin zai fara aiki ne daga ranar 1 ga Nuwamba, 2024.

Gwamnan wanda ya bayyana hakan ta bakin mai magana da yawun sa, Daniel Alabrah, ya amince da irin kalubalen da ma’aikata ke fuskanta a jihar saboda tsadar rayuwa.