Dan wasan kasar Denmark, Christian Eriksen, ya amince da komawa kungiyar kwallon kafa ta Manchester United.
Dan wasan, wanda ya buga wasanni na watanni biyar a kungiyar Brentford, ya sanar da kocin Manchester United ne da safiyar yau.
- HOTUNA: Yunkurin Tsige Kakakin Majalisar Dokokin Bauchi, ‘Yan Sanda Sun Rufe Majalisar
- Kalvin Phillips Ya Koma Manchester City Daga Leeds United
Tsohon dan wasan Tottenham din, ya kamu da cutar bugun zuciya a yayin da ake buga wasanni cin kofin Nahiyar Turai na 2020 da Italiya ta lashe.
Kawo yanzu dai dan wasan zai saka hannu a kan yarjejeniyar shekara uku da zarar an kammala duba lafiyarsa a Manchester United.
Shi ne dan wasa na biyu da ake saran Manchester United za ta saya bayan cimma matsaya da Tyrrell Malacia daga Feyernood.
