Fabio Na Brazil Ya Kafa Sabon Tarihi A Kwallon Kafa

Mai tsaron ragar kungiyar kwallon kafa ta Fluminense Fabio a ranar Talata ya zama mutum na farko a tarihin wasan kwallon kafa na maza da ya buga yawan wasanni a tarihi, lokacin da dan Brazil din ya buga wasa karo na 1,391. Dan wasan mai shekaru 44 a ranar Asabar ya yi daidai da tarihin da tsohon dan wasan Ingila Peter Shilton ya rike na wannan adadin ya samu wannan nasarar a wasan da suka doke America de Cali da ci 2-0 a filin Maracana dake Rio de Janeiro.

Kafofin yada labaran Fluminense da na Brazil sun ce a yanzu Fabio ya kasance shi kadai a tarihin kwallon kafa, duk da cewa FIFA ko hukumar CONMEBOL ba ta bayyana hakan a matsayin tarihi ba, Fabio, wanda ya shafe tsawon rayuwarsa a Brazil, ya ce “Wani lokaci ba ma fahimtar muhimmancin irin wannan gagarumar nasara ta karya tarihi ba,” in ji Fabio, wanda ya shafe tsawon rayuwarsa a Brazil.

• Babban Burina A Harkar Fim Shi Ne Ganin Habakar Harshe Da Al’adun Hausa—Murtala Abdullah
• Yadda Ake Alale

Magoya bayan Fluminense sun yi ta rera cewa, “Fabio shine mafi kyawun mai tsaron gida a Brazil,” kuma ya sun daga allunan dake dauke da hotunansa, kocin Fluminense Renato Gaucho ya ce “Babu wanda ke buga wasanni da yawa ba tare da matakin kwarewa kamar nasa ba, kuma babu shakka zai ci gaba da taka leda na dogon lokaci”

“Zai yi wahala wani dan wasa ya wuce tarihinsa,” in ji kocin, Fabio ya lashe kofin Copa Libertadores tare da Fluminense a shekarar 2023 kuma yana cikin tawagar da ta kai wasan kusa da na karshe a gasar cin kofin duniya na kungiyoyi a Amurka a bana, ya buga wa Cruzeiro wasanni 976 tsakanin 2005 zuwa 2022, bayan ya buga wa Uniao Bandeirante wasanni sau 30 da kuma wasu wasanni 150 tare da Basco da Gama, hakan ya sa jimillar wasannin da ya buga suka kai 1,387, amma hukumar kididdiga ta Guinness World Records ta ce adadin ya kai 1,390.