Fadar shugaban kasa ta tabbatar da cewa shugaba Bola Tinubu zai yi wa majalisar ministocinsa garambawul, kamar yadda mai ba da shawara na musamman kan harkokin ya da labarai, Bayo Onanuga ya bayyana.
Da yake zantawa da manema labarai a fadar shugaban kasa, a Abuja, Onanuga ya bayyana cewa, duk da cewa babu tabbaci kan lokacin da za a yi, amma hakan na iya faruwa nan ba da dadewa ba, watakila kafin ranar 1 ga watan Oktoba.
- Kwastam Za Ta Haɗa Gwiwa Da Al’ummomin Kan Iyakoki Wajen Daƙile Yaɗuwar Makamai
- Yarjejeniyar Samoa: Gwamnatin Tarayya Ta Yaba Da Hukuncin NMCC Kan Zargin Auren Jinsi
Hakan ya biyo bayan kiraye-kirayen da ‘yan jam’iyyar APC da sauran jama’a suka yi, inda suka nuna rashin gamsuwa da yadda wasu ministoci ke gudanar da ayyukansu.
A kwanakin baya ne dai shugaba Tinubu ya bayyana aniyarsa ta sake fasalin majalisar ministocinsa yayin da yake ganawa da shugabannin Arewa a fadar gwamnati.
