Wani Fasto mai shekara 48 a Jihar Ogun, Michael Abiodun, ya yi wa wata mabiyarsa ‘yar shekara 12 ciki.
Kakakin Rundunar ‘yansandan jihar, Abimbola Oyeyemi ne, ya tabbatar da aukuwar lamarin a cikin sanarwar da ya fitar a garin Abeokuta, inda ya ce jami’an rundunar sun kamo Faston.
- Wasu ‘Yan Siyasa Na Daukar Zaben 2023 Na Ko A Mutu, Ko A Yi Rai –INEC
- Jerin ‘Yan Wasa Mafi Tsada A Firimiyar Ingila
Ya ce, Faston mai yin wa’azi a Cocin Light House Gospel da ke a yankin Oluwo a karamar hukumar Obafemi Owode, an cafke shi ne a ranar Alhamis.
Oyeyemi ya kara da cewa, an cafke Faston ne bayan da mahaifiyar yarinyar ta shigar da korafi a caji ofis da ke a Owode Egba.
Ya kara da cewa, Faston bayan jamia’n ‘yansanda na rundunar sun bincike shi, ya amsa aikata laifin, inda ya kara da cewa, yarinyar wacce ta haihu bayan wata uku da suka wuce, ta shaida wa ‘yansanda cewa, Faston ya yi mata barazanar kar ta shaida wa kowa maganar cikin.
