Fitaccen Likitan nan dan asalin jihar Bauchi, Farfesa Abdu Ibrahim, ya rasu a ranar Alhamis bayan ya yi fama da gajeruwar jinya a asibitin koyarwa na Jami’ar Sir Abubakar Tafawa Balewa da ke Bauchi (ATBUTH).
Gwamnan Jihar, Bala Abdulkadir Mohammed, ya jajantawa iyalan Farfesa Abdu da al’umar jihar inda ya bayyana rasuwarsa a matsayin babban rashi ba ga iyalansa kadai ba har ma ga al’umar jihar Bauchi da ma kasa baki daya.
- Abubakar Y. Sulaiman Ya Sake Zama Kakakin Majalisar Dokokin Bauchi
- Wakili Ya Rasu Kwana 3 Da Karewar Wa’adinsa A Matsayin Dan Majalisar Dokokin Jihar Bauchi
Bala ya ce, Marigayi Farfesa Abdu Ibrahim, mutanen Jihar za su rika tunawa da su sosai saboda jajircewarsa da kuma dimbin gudunmawar da ya bayar a fannin kiwon lafiya tun lokacin da aka kirkiro jihar Bauchi.
Ya yi addu’ar Allah ya sanya shi a Aljannar Firdaus, ya baiwa iyalansa da daukacin al’umar jihar Bauchi hakurin jure wannan rashi.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
