Gamayyar kungiyoyin matasan Arewa da Gidauniyar Tunawa da Sardauna Sun bukaci daukacin matasan Arewa da su kaucewa shiga duk Wata zanga-zangar tsadar Rayuwa da suka shirya gudanarwa a Wata Mai zuwa domin Samun Zaman lafiya.
A wani Taron bita da kungiyar ” Arewa Think Tank” da hadin gwiwar Gidauniyar Tunawa da Sardauna suka shiryawa matasa Daga jihohi 19 na Arewacin kasar Nan, sunce bukaci matasan da su zama masu dogaro da Kansu wajen neman Kansu maimakon su shiga zanga-zangar da bazata haifar da da Mai ido ba suna Mai cewa dogaro da Kai shine mafita ga matasan Arewa.
A sanarwar bayan Taron bitar Wanda Shugaban kungiyar ” Arewa Think Tank” ya sanyawa Hannu Alhaji Muhammad Yakubu a madadin gamayyar kungiyoyin matasan Arewa, yace matasan Arewacin kasar Nan sun Nisanta Kansu Daga shiga duk wata nau’in zanga-zangar da suna tsadar Rayuwa.
” Bayan kammala wannan Taron bita na Kwana daya mu matasan Arewa Daga jihohi goma Sha tara mun nisanta kanmu Daga shiga zanga-zangar saboda masu bin Doka da oda ne”
“Hakazalika, mun dauki matakin samawa kanmu hanyar dogoro da Kai wajen samar da sana’oin da zasu taimawa ci gaban rayuwarmu Wanda shine zai zame mana mafita na Samun ci gaba”
Shugaban ya bukaci gwamnati da ta tabbatar ta dauki matakan da suka kamata wajen magance matsalar rashin tsaro a Arewacin kasar da samar da wuraren koyawa matasa sana’oin da zasu dogara da Kansu Wanda Hakan zai taimaka wajen bunkasar ci gaban tattalin arzikin kasa Baki daya.
